Як беларускі афіцыёз касплэіць сталінскія ялінкі
Не хапае толькі партрэта правадыра на елачных цацках.
У сярэдзіне 1930-х у СССР нечакана «рэабілітавалі» навагоднюю ялінку, якая амаль дзесяцігоддзе знаходзілася пад фактычнай забаронай. Але ў публічную прастору сімвал зімовых святаў вярнуўся ў новым статусе: ялінка перастала быць каляднай.
А каб падкрэсліць свецкі характар святкавання, упрыгожваць ялінкі сталі новымі цацкамі. Замест анёлкаў і свечак з’явіліся танкі, аэрастаты і самалёты.
На кароткі час на елачных галінках з’явіліся шары з выявамі бальшавіцкіх важакоў, але хутка прыйшло разуменне, якую небяспеку неслі такія «цацкі», бо адзін толькі выраз «павесіць Сталіна на елку» мог адгукнуцца не адным годам лагераў.
![](/uploads/2023/12/nh2021-1.jpg)
Дарэчы, ці не гэтым да досведам натхняліся сённяшнія беларускія ўлады, калі на «галоўнай ялінцы краіны» колькі год таму пачапілі цацкі з лагатыпамі дзяржпрадпрыемстваў і ўстановаў?
![](/uploads/2023/12/nh2021-2.jpg)
Да партрэта правадыра, праўда, яшчэ не дайшло. Тут, пэўна, дзейнічае тая самая логіка, што і пры Сталіне. А вось да танкаў і самалётаў, пры сённяшнім мілітарысцкім угары, чарга можа і дайсці.
Оцените статью
1 2 3 4 5Читайте еще
Избранное